Ados Muntaiak

Bi hamarkada baino gehiago daramatzagu kaxa elektrikoen muntaketan, neurriko kableatuaren manufakturan eta ebaketan eta kit elektrikoen prestaketan, eta horixe da gure bermerik onena zure proiekturako. Kaxa elektrikoen muntaketan daramagun 20 urtetik gorako aldi horretan, oso sektore desberdinetako bezero garrantzitsuen premiei erantzutea lortu dugu. Sektore horien artean, honako hauek ditugu: jasotzea, trenbideak, automozioa edota energia berriztagarriak (sektore eolikoa eta fotovoltaikoa).

Erronka profesional handiei aurre egin ondoren esperientzia handia duten profesional kualifikatuen talde bat jarriko dugu zure proiektuaren zerbitzura. Gure bezeroen gogobetetzea gure lan-filosofiaren araua da beti. Gure bezeroen premietara egokitzen gara beti, eta erabateko bermea eskaintzen dugu entregatzeko epeetan zein produkzio bakoitzaren kalitatean.

Instalazioak

Ados Muntaiak enpresa konprometituta dago bere produkzio-baliabideen berrikuntzan. Hori dela eta, abangoardia teknologikoko baliabiderik eta bitartekorik onenak proiektu bakoitzaren zerbitzura jartzeko lanean dihardugu etengabe.

3 pabiloi (3.000 m²-ko guztizko azalerarekin), garraio propioko kamioi bat eta gure produkzioaren kontrol zorrotza eta trazabilitatea bermatzen dituen lan-sistema guztiz informatizatu bat ditugu.

Terminalak ebakitzeko, markatzeko, estalkia kentzeko eta galkatzeko makina automatikoak eta programagarriak ditugu, eta 36 kable motarekin eta hainbat estaziorekin lan egin dezakegu. Zuri-beltzeko markaketarako ink-jet markagailuak, hainbat sekziotako puntak galkatzeko eta estalkia kentzeko makina elektropneumatikoak eta katigatzeko mahaiko prentsak jarriko ditugu zure proiektuaren zerbitzura.